Den nordisk-katolske kirke

Hanne Nabintu Herland diskuterer i ein bestselgar av ei debatt-bok frå sist vår kulturen sine kriseteikn. Samfunnet vårt har kome på avstand frå sine eigne røter og slit difor, hevdar ho. Boka er ein kontroversiell brannfakkel frå ei fargerik og politisk ukorrekt dame.

Når det faste verdigrunnlaget i samfunnet forvitrar slik det har skjedd i vesten, har det1 gitt ein ny lengt etter verdiar.

Moderniteten er utan grenser, men menneske treng faste fundament og rammer for å ha eit godt liv. Difor er gudstru igjen etterspurt i kjølvatnet av verdi-liberalismen. Det liberale samfunnet avviste gudstrua, men ho vender i vår tid sterkare tilbake.

Ikkje minst viser det seg at ei religiøs tru gir fundament for mennesket sin moralske styrke. Det trengs ikkje minst i eit pluralistisk samfunn der mange etniske grupper og religionar skal finne ut av det med kvarandre.

Herland er verd å lytte til ikkje minst fordi ho ser våre norske kulturelle og kyrkjelege tilhøve i eit internasjonalt perspektiv. Ho stiller spørsmålsteikn ved det som i vår andedam er politisk korrekt. Ho våger å seie det mange berre tenkjer. Ho går i rette med 68-generasjonen som har forma eit samfunn som flyt av sjølrealisering, egoisme og grenselaus seksuell frigjering.

Istaden vil ho setje inn dei nedarva verdiane som kristendomen har gitt den vestlege sivilisasjonen.

Ta og les!

Fr Ottar Mikael Myrseth